తెలంగాణ శాసనసభ శీతాకాల సమావేశాల షెడ్యూల్ ఖరారు: డిసెంబర్ 8 నుంచి ప్రారంభం

హైదరాబాద్: తెలంగాణ శాసనసభ శీతాకాల సమావేశాల నిర్వహణకు రంగం సిద్ధమైంది. సభా వ్యవహారాల సలహా కమిటీ సిఫారసుల మేరకు డిసెంబర్ 8వ తేదీ ఉదయం 10 గంటలకు అసెంబ్లీ సమావేశం కానుంది.

ఈ సమావేశాల్లో ప్రధానంగా రైతు భరోసా, సాగునీటి ప్రాజెక్టుల పురోగతి, నూతన పారిశ్రామిక విధానం తదితర కీలక అంశాలపై సుదీర్ఘ చర్చలు జరగనున్నాయి. పలు కీలక బిల్లులను ప్రభుత్వం సభలో ప్రవేశపెట్టనుంది.