నిజామాబాద్ మార్కెట్లో పసుపు ధరకు రెక్కలు: క్వింటాల్ రూ. 16,500 రికార్డు నమోదు

నిజామాబాద్: నిజామాబాద్ వ్యవసాయ మార్కెట్లో పసుపు ధర చరిత్రలోనే అత్యధిక రికార్డును నమోదు చేసింది. నాణ్యమైన వేలు పసుపు క్వింటాలుకు రూ. 16,500 పలకడంతో రైతులు ఆనందం వ్యక్తం చేస్తున్నారు.

గత కొన్నేళ్లుగా పసుపు బోర్డు డిమాండ్‌తో పాటు విదేశీ ఎగుమతులు పెరగడం ఈ ధరల పెరుగుదలకు ప్రధాన కారణంగా విశ్లేషకులు చెబుతున్నారు. మహారాష్ట్ర, కర్ణాటక సరిహద్దు ప్రాంతాల రైతులు కూడా నిజామాబాద్ మార్కెట్‌కు పసుపును తరలిస్తున్నారు.